Ka përfunduar sfida mes Tiranës dhe Crvena Zvezdës me fitoren e ekipit serb me rezultatin 0-1. Goli i vetëm i ndeshjes është shënuar në pjesën e dytë të takimit nga sulmuesi Tomane.
Në këtë mënyrë bardheblutë e kryeqytetit i japin lamtumirën Champions League-s dhe do të vazhdojnë rrugëtimin në kualifikueset e Europa League.
Sfida u zhvillua e qetë teksa Tirana ka patur disa shanse shënimi, por pa mundur të finalizojë.
Talenti Muçi pasi kaloi me një lëvizje të bukur mbrojtësin kundërshtar, gjuajti fuqishëm drejt portës, por fatkeqësisht topi përfundoi në shtyllë.
Në momentin më të mirë të kryeqytetasve, lojtarët e Crvena Zvezdës kalojnë në epërsi falë një goditjeje me kokë të qendërsulmuesit Tomane, i cili shfrytëzoi mjaft mirë harkimin e dhuruar nga goditja e këndit.
/e.rr
