Gjykata e Posaçme e Apelit ka shtyrë për ditën e nesërme vendimin në lidhje me sekuestrimin e pasurive të Ylli Ndroqit.
Në përfundim të seancës së sotme, avokati Alban Qafa u shpreh se janë depozituar të gjitha provat që vërtetojnë ligjshmërinë e pasurive të Ndroqit.
“I demonstruam të gjitha provat para trupit gjykues. Pjesa më e madhe e tyre janë krijuar nga financimi me bankat, nga aktiviteti tregtar.
Po ashtu edhe televizioni Ora News është 100% i blerë me bankë. Zoti Ndroqi nuk ka asnjë arrestim në Itali”, tha avokati.
Në fillim të muajit gusht Prokuroria e Posaçme kundër Korrupsionit dhe Krimit të Organizuar, SPAK urdhëroi sekuestrimin e pasurive të biznesmenit Ylli Ndroqi, mes tyre edhe 2 televizionet, Ora dhe Ora News.
/a.r
