“Jam krenar që jam mysliman”. Kaq ka mjaftuar që seanca gjyqësore ndaj 9 xhihadistëve të akuzuar për rekrutimine luftëtarëve në Siri të shtyhet. Të pandehurit u larguan nga salla e gjyqit për shkak të moslejimit të familjarëve dhe mbështetësve të tyre të ishin në sallën e gjyqit.
Shkak që policia pengoi hyrjen në sallë të rreth 40 personave ishin bluza e zezë me mbishkrimin “Jam krenar që jam musliman”. Ata janë solidarizuar në mbështetje të të pandehurve të cilët i quajnë vëllezër.
“Policia na trajton si qytetarët të dorës së tretë, nuk lë asgjë pa na kontrolluar, nuk na lejojnë të futemi dhe nuk na japin përgjigje, nuk kemi bërë asnjë shkelje”, u shprehën mbështetësit .
Sipas avokatit të të pandehurve, situata është absurde në kushtet kur sipas tij Gjykata ka deklaruar më herët se seanca është me dyer të hapura. Ai tha se për ndalimin që policia i bëri mbështetësve të xhihadistëve, do të dërgojë peticion kryeministrit Rama për ankesën.
