Është shtyrë për të hënën seanca për shqyrtimin e kërkesës së deputetit të përjashtuar nga PS Tom Doshi për ndryshimin e masës së sigurisë. Vendimi është marrë sot nga Gjykata e Lartë ku bëhet e ditur se shkak për këtë u bë mungesa e dy gjyqtarëve.
Avokatët mbrojtës të deputetit Doshi kërkuan në emër të klientit të tyre që të ndryshohej masa e sigurisë së deputetit. Sipas tyre, akuzat ndaj Doshit kanë rënë, pasi nuk është gjetur asnjë provë që të vërtetojë pretendimet e Durim Bamit se është kërcënuar nga Doshi.
Tom Doshi ndodhet nën masën e sigurisë arrest shtëpie për akuzën e kallëzimit të rremë lidhur me pretendimin e tij për një atentat të mundshëm të kreut të Kuvendit Ilir Meta ndaj tij.
Redaksia Online
(Javanews.al)
