Dështon sërish seanca te Krimet e Rënda për Emiljano Shullazin dhe bandën e tij. Mësohet se seanca është shtyrë, pasi nuk janë paraqitur avokatët mbrojtës.
Ndërkohë, gjatë seancës i pandehuri Gilmando Dani, kundërshtoi caktimin e gjyqtarit Arben Vrioni.
Dani i kërkoi të jepte dorëheqjen pasi ka gjykuar Vollgën në Apelin e Durrësit.
“I nderuar nuk mund të lahesh me dosjen tonë sepse je shumë pis. Ta bëjë vetë dorëheqjen, pa dalë gjë“, tha Dani.
Ndërkohë seanca e radhës do të zhvillohet në 26 korrik, ku do të thirren edhe avokatët e zgjedhur të të pandehurve.
Kujtojmë se rreth një muaj më parë, anëtari i bandës Gilmando Dani, kërkoi shjegim për asryen përse është kërcënuar gjyqtarja kryesuese e çështjes Saida Dollani, por seanca kaloi me tensione dhe 4 të pandehurit së bashku me avokatët mbrojtës braktisën sallën e gjyqit.
Pas kësaj banda e Shullazit kërkoi përjashtimin e trupës gjykuese, e cila ishte e përbërë nga Albana Boksi, Saida Dollanit dhe Valdete Hoxha.
Emiljano Shullazi është dënuar me 14 vite burg nga Gjykata e Krimeve të Rënda. Bashkë me të janë dënuar edhe grupi i tij, përfshirë edhe Gilmando Danin.
Shullazi dhe grupi i tij u shpallën fajtorë nga Gjykata për veprën penale “shtrëngim me anë të kanosjes për dhënin e pasurisë”, në dëm të Ylvi Beqajt./l.m
