Është shtyrë për të tretën herë seanca për ish-ministrin të Brendshëm, Saimir Tahiri.
Tahiri është paraqitur mëngjesin e sotëm në Gjykatën e Krimeve të Rënda për seancën e radhës gjyqësore. Tre seancat e para janë shtyrë, ndërsa Tahiri ka akuzuar se procesi po zvarritet dhe ka dyshime se pas fshihet politika.
Tahiri akuzohet për “korrupsion të zyrtarëve të lartë”, “trafik të lëndëve narkotike kryer në bashkëpunim” dhe “grup të strukturuar kriminal” në kuadër të dosjes ‘Habilaj’.
Ata akuzohen se kanë bashkëpunuar me grupin kriminal “Habilaj” në trafikun e drogës.
Seanca është shtyrë 2 herë, ndërsa vetë ish-ministri kërkon që procesi ndaj tij mos zvarritet.
Pas daljes nga gjykata, Tahiri deklaroi se kjo është qesharake. Ai theksoi se prokuroria kërkoi arrestimin tim në parlament sot ka humbur dokumentin.
Tahiri tha se media i ka këto dokumente ndërsa prokuroria si ka.
“Ky proces është shtyrë për të tretën herë, edhe një çerdhe është me e organizuar se kaq. Nuk e di sesi mund të humbasin letrat në Prokurori, dhe nuk di sesi mund të vazhdohet kështu dhe se çfarë serioziteti ka.
Nuk dua ta di nëse është e qëllimshme apo gabim njerëzor, por kjo është qesharake. Nëse është e qëllimshme, është shumë banale.
Shpresoj të jetë mungesë vëmendje. Unë heq dorë nga disa dëshmi që janë në favorin tim, por mjafton të mos shtyhet më.
Procedimi penal që nisi me kërkesë për arrestimin tim dhe sot letrat janë zhdukur, kjo është qesharake. Nuk ndodh as në dyqanin me të rëndomtë, e jo më në prokurorinë e Krimeve të Rënda.
Është tepër i shtyrë gjyqi për herë të tretë, qesharake, poshtëruese për drejtësinë… Nëse letrat humbin në këtë mënyrë, Republika ka rënë”, u shpreh Tahiri.
g.kosovari
