Këshilli i Lartë i Prokurorisë ka vendosur sot shtyrjen e afatit për pranimin e aplikimeve për SPAK deri me datën 21 Shkurt 2019.
Vendimi është marrë ne mbledhjen e sotme dhe eshte votuat me 10 vota pro dhe nje vote kunder. Kunder shtyrjes se afatit ka qene N/Kryetari i KLP, z. Alfred Balla.
Ne fund te mbedhjes, KLP bën thirrje prokuroreve të shfrytëzojnë këtë afat dy javor për të paraqitur aplikimin e tyre.
Kujtojme se Këshilli i Lartë i Prokurorisë shpalli 15 vendet vakante për të qenë pjesë e Prokurorisë së Posaçme dy javë më parë, ndërsa afati i pare ishte deri në javën e parë të muajit shkurt.
Ngritja e Strukturës së Posaçme Antikorrupsion do të shkrijë Gjykatën e Krimeve të Rënda dhe një pjesë e kompetencave të saj do t’u kalojnë gjykatave të rretheve.
SPAK nënkupton krijimin e një gjykate dhe prokurorie të dedikuar vetëm për hetimin, ndjekjen penale dhe gjykimin e korrupsionit, krimit të organizuar si dhe të gjitha veprave penale nga zyrtarë të kaluar dhe aktualë të nivelit të lartë.
Qëllimi i Prokurorisë së Posaçme është pasja e një prokurorie të përgjegjshme dhe të specializuar, për të hetuar dhe ndjekur penalisht çështjet e vështira të korrupsionit dhe krimit të organizuar, si dhe krimet e kryera nga zyrtarë të rëndësishëm, në mënyrë të pavarur dhe pa asnjë ndikim të papërshtatshëm.
Me ngritjen e SPAK-ut do të ngrihet Prokuroria e Posaçme dhe Byroja e Hetimit. Kjo e fundit është një seksion i specializuar i Policisë Gjyqësore, nën varësinë e Prokurorisë së Posaçme. Në mënyrë që të ruhet një marrëdhënie operacionale dhe informuese, me shërbime të tjera policore, sidomos për operacione që kërkojnë shumë punë, si kontrolle të befasishme, vëzhgime apo arrestime, ka edhe shërbime të Policisë Gjyqësore.
/a.rada
