U ther nga një pjesë e një cigareje elektronike, e cila i shpërtheu në dorë. Është kjo mënyra në të cilën gjeti vdekjen 24-vjeçari amerikan Wiliiam Brown, nga Fort Worth, në Texas, të cilit i shpërtheu cigarja elektronike, pak pasi e ndezi.
I riu kishte hipur në makinë, pak pasi kishte blerë cigaren në një dyqan të specializuar.
Më pas ai u pa duke dalë nga makina teksa përpëlitej, i larë në gjak, i cili i rridhte nga qafa.
Siç zbuluan hetimet, një pjesë e cigares që kishte shpërthyer, e kishte prerë në fyt duke i shkaktuar plagën fatale.
Ai qëndroi dy ditë në spital, ku dhe gjeti vdekjen gjatë kësaj të hëne, shkruan noa.al.
Gjyshja e tij tregoi për mediat vendase se nipi nuk pinte duhan por se e kishte blerë cigaren elektronike për të lehtësuar dhimbjen që kishte nga një lloj astme, prej së cilës vuante prej vitesh.
/a.rada
