Thuajse asnjë nga klubet e Kategorisë së Parë nuk përmbushin kriteret e licencimit, e si rrjedhojë nuk mund të marrin pjesë në këtë edicion. Kjo është arsyeja se pse Federata Shqiptare e Futbollit ka vendosur të shtyjë fillimin e këtij edicioni për një datë të papërcaktuar. Institucioni që drejton futbollin në vend kishte “mbajtur peng” kampionatin prej disa javësh, duke mos bërë as ndarjen e grupeve e as përcaktimin e kalendarit të ndeshjeve.
Me anë të një komunikate zyrtare, FSHF-ja ka paralajmëruar sot klubet problematike se nëse nuk plotësojnë detyrimet financiare dhe kriteret e licencimit deri më datë 12 shtator, nuk do të përfshihen në short dhe rrjedhimisht nuk do të marrin pjesë në Kampionatin Kombëtar të Kategorisë së Parë. Këto skuadra do të zëvendësohen nga ekipe të Kategorisë së Dytë, në bazë të meritës sportive.
“Federata Shqiptare e Futbollit, me vendim qarkullues të Komitetit Ekzekutiv të mbështetur në raportin e Komisionit të Licencimit, të Zyrës së Financës në FSHF, njofton se kampionatet kombëtare të Kategorisë së Parëm i planifikuar për të nisur më datë 10 shtator dhe të Kategorisë së Dytë, i planifikuar për të filluar më datë 18 shtator, nuk do të nisin në datat e përcaktuara. Kampionatet do të shtyhen, për shkak se një pjesë e klubeve, nuk kanë shlyer detyrimet financiare apo nuk kanë plotësuar kriteret e licencimit.
Për këtë arsye, Komiteti Ekzekutiv i Federatës Shqiptare të Futbollit ka vendosur që të shtyjë datën e fillimit të tyre. K.E njofton se skuadrat që nuk do të plotësojnë detyrimet financiare dhe kriteret e licencimit deri më datë 12 shtator nuk do të përfshihen në short dhe rrjedhimisht nuk do të marrin pjesë në Kampionatin Kombëtar të Kategorisë së Parë. Këto skuadra do të zëvendësohen nga ekipe të Kategorisë së Dytë, në bazë të meritës sportive”, thuhet në njoftimin e Federatës.
FSHF-ja ka publikuar edhe renditjet e Kategorisë së Parë dhe të Dytë, si dhe listat e klubeve që nuk kanë plotësuar kriteret e licencimit e nuk kanë shlyer detyrimet financiare:
Kategoria e Parë, Grupi A
1. KF Tërbuni
2. KS Kastrioti (-3)
3. Besëlidhja
4. KF Erzeni
5. KF Burreli
6. FK Kamza
7. FC Besa
8. Iliria
9. KF Adriatiku Mamurras
10. KF Shënkolli
Kategoria e Parë, Grupi B
1. KF Bylis
2. KF Pogradeci
3. FK Apolonia
4. FC Lushnja
5. FK Dinamo (-3)
6. FK Elbasani
7. KF Shkumbini
8. KF Sopoti
9. KF Turbina (-3)
10. KF Tomori
Klubet që nuk kanë plotësuar detyrimet financiare dhe kriteret e licencimit:
Kategoria e Parë, Grupi A
KS Kastrioti
KF Burreli
KF Kamza
FC Besa
KD Iliria
KF Adriatiku
KF Shënkolli
Kategoria e Parë, Grupi B
KF Bylis
KF Pogradeci
KF Dinamo
KF Elbasani
KF Shkumbini
KF Sopoti
KF Turbina
Renditja / Kategoria e Dytë, Grupi A
1. KF Ada
2. FC Kevitan
3. Partizani B
4. FK Egnatia
5. SHS Albpetrol
6. KSSH Veleçiku
7. VORA
8. KF Gramshi
9. FC Internacional Tirana
10. FK Sukthi
11. Tirana B
12. Kukësi B
Renditja / Kategoria e Dytë, Grupi B
1. Butrinti
2. KF Naftëtari
3. KF Delvina
4. Oriku
5. FK Tepelena
6. KF Domosdova
7. Bilisht Sport
8. SHS Përmeti
9. FK Memaliaj
10. FC Gramozi
11. FK Skrapari
12. Skënderbeu B
ma.me
