Një ngjarje e pazakontë ka ndodhur një ditë më parë në një rrobaqepsi, në Shkodër.
Mësohet se gjashtë punonjëse janë transportuar në spital për të marrë ndihmë mjekësore.
“Në lagjen “Skënderbeg”, duke punuar në rrobaqepësinë pranë një shoqërie, 6 punonjëse kanë pësuar një reaksion alergjik, të cilat pas mjekimit në spital u larguan në banesa, ndërsa njëra prej tyre po merr ndihmë mjekësore në spital, pa probleme për jetën. Punohet për sqarimin e plotë të ngjarjes”, thuhet në njoftimin e policisë lokale.
Nuk dihen ende shkaqet që çuan në këtë komplikacion shëndetësor.
Materialet i kaluan Prokurorisë pranë Gjykatës së Shkallës së Parë Shkodër, për ndjekje të mëtejshme. /a.m.
