Gjykata e Shkallës së Parë për Krimet e Rënda ka vendosur të konfiskojë një pjesë të pasurisë së Kastriot Ismailaj, i akuzuar për pastrim parash nga Prokuroria.
Togat e zeza kanë argumetuar se rreth 1 milion dollarë të kompanisë së biznesmenit, 5,5 milion lekë të reja në emër të nënë së tij, 1 autoveturë në emër të gruas, si dhe 12 milion lekë të reja llogari bankare, nuk ka mundur t’i justifikojë.
Sipas Prokurorisë, në bazë të ligjit Antimafia, këto asete duhet të konfiskohen dhe t’i kalojnë shtetit.
Gjatë gjithë procesit gjyqësor, vetë Ismailaj dhe avokati i tij kanë argumentuar se kjo pasuri ishte vendosur para vitit 2010, kohë kur hyri në fuqi ligji, raporton Klan.
Për më tepër ata paraqitën dhe dokumentacione të tjera ku pretendohet ligjshmëria e pasurisë.
Në të njëjtën gjykate në një procedim tjetër Prokuroria kërkon konfiskimin e rreth 3 milion dollarëve.
Edhe këto para sipas Prokurorisë, janë produkt i veprimtarisë kriminale.
Kastriot Ismailaj ndodhet në arrest me burg i akuzuar për mashtrim dhe pastrim parash. Ndërkohë në gjykatën e Tiranës Ismailaj, po gjykohet për aferen CEZ-DIA.
