Mjekët alergolog shprehen se për shkak të ndryshimeve klimatike është zgjatur koha e polenizimit duke sjell dhe një kohë më të gjatë të shfaqjes së problemeve për personat që vuajnë nga riniti alergjik
“Këto janë alergenët e stinës të cilët shkaktojnë probleme siç janë simptomat me bllokim hundësh, rrjedhje të ujshme të hundëve, kruarje hunde, kruarje sysh, lotim dhe skuqje sysh, ndonjëherë kollë të thatë dhe vështirësi në frymëmarrje. Kjo periudhë nis nga muaji Mars deri në 10-ditëshin e parë të Qershorit. Si pasojë e ndryshimeve klimaterike kjo periudhë polenizimi ka ndryshuar goxha dhe është zgjatur”, është shprehur 1Gjustina Loloçi, mjeke alergologe.
Sipas një studimt të bërë në vendin tonë rezulton se fëmijët që vuajnë nga alergjitë po vjen në rritje.
“Ka rezultuar 20% në të gjithë botën dhe në vitin 2011 dhe 2012 në Shqipëri në një studim të bërë këtu, në moshat shkollore rezultoi 6.2%”, ka treguar mjekja alergologe Gjustina Loloci.
Mjekja alergologe Gjustina Loloci, shprehet se pacintët nuk duhet ti neglizhojnë simptomat që shfaqen nga sëmundjet alergjike, por për të marrë mjekimin e duhur duhet ti drejtohen mjekut alergolog për të bërë provat e alergjisë në mënyrë që të përcaktohet se çfarë u shkakton alergji. Këto shqetësime veç se të fëmijët,shfaqen edhe në moshë madhore.
“Mendojnë si ka mundësi sepse unë nuk kam qenë asnjëherë alergjik. Ndodh që edhe në pacientët adult fillojnë simptomat sepse sensibilizimi ka qenë aty i pranishëm dhe në kontaktin me alergenin, pacienti fillon dhe shfaq simptoma”, është shprehur mjekja.
Mjekët rekomandojnë se për të shmangur reaksionin alergjikë nga polenet duhet të evitohen ambintet e gjelbëruara si dhe të mbahen mbyllur dritaret kur udhëtojnë me makinë./ b.h
