Nga Ilir Yzeiri
Ngjarja e fundit që u prodhua në një studio mjerane të një televizioni të madh, ku Sali Berisha u shfaq si « analist » i egër, paraqiti dy teprime të një njeriu skizofren dhe të njohur botërisht si shpifës, siç është Sali Berisha, që janë : e para, në sy të një gazetari që Edi Rama e ka promovuar si atlet të ruajtjes së partisë së tij nga publiku, ose të vendosjes së marrëdhëneive me publikun, në sy të tij, pra, ai, « analisti » Sali Berisha, pra, në sy të këtij gazetari që mban funksione politike në Partinë që drejtohet nga Edi Rama, në fytyrë dhe përballë tij, Sali Berisha ulëriti tri herë me tërbimin e njeriut të çmendur që Edi Rama është : « Kafshë ! Kafshë ! Kafshë ! » dhe funksionari i përzgjedhur nga Edi Rama buzëqeshi lehtë dhe mbeti gojëkyçyr. E dyta, në sy të të gjithë atyre që ishin në panel dhe nën ekzaltimin gati seksual të drejueses së emisionit, së cilës nuk dua t’ia zë emrin me gojë, shpifi për një koleg, për Artan Hoxhën, dhe e akuzoi atë në mënyrë të ndyrë për një aferë që nuk mund të provohej aty, pra, në mungesë të atij që u akuzua, dhe, më e turpshmja, askush nuk i kërkoi se ku e mbështeste atë akuzë, askush nuk i tha që, nëse ti po shpif, duhet të gjesh vend tjetër, jo këtu.
Gazetari i zgjedhur nga Edi Rama që të ruajë apo të vendosë marrëdhëniet me publikun në Partinë Socialiste, më e pakta, duhej ta kishte braktisur atë studio mjerane të televizionit të madh sqhiptar. Mirëpo secili është i lirë të çmendet sipas mënyrës së tij. Problemi i shoqërisë shqiptare nuk është thjesht ajo studio mjerane e drejtuar nga një gazetare që po ngjet gjithnjë e më shumë me ato sekretaret e komiteteve të Partsë në rrethe, të cilat sapo zgjidheshin në postin e lartë, transformoheshin në burra me zë të hollë dhe imitonin padronët që i kishin zgjedhur, duke u bërë bisha me viktimat dhe ëngjëj me shtypësit më sy të skuqur nga netët e gjata me ëndrra ku përzihet gjaku me paratë. Problemi i madh është se gjithë shoqëria jonë po çmendet ngadalë dhe në mënyrë të ëmbël.
Problemi i shpërfytyrimit të shoqërisë prej ligjërimit nuk është vetëm problemi ynë. Ngado të hedhësh sytë, rrotull nesh, e larg nesh, do të vëresh se manipulatorët e mëdhenj, siç janë populistët në Europë, po ndërtojnë një ligjërim që ka vënë në pikëpyetje vlerat mbi të cilat është ndërtuar Perëndimi, që janë liria, solidariteti dhe demokracia. Në Europë po ngrihen me shpejtësi muret e ndarjes dhe, në emër të atdheut, po kultivohet urrejtja për atë që është i ndryshëm nga raca, ngjyra, gjinia dhe niveli ekonomik. Kriza e e emigrantëve e ka nxjerrë më të zbuluar se asnjëherë tjetër Europën. Mirëpo, pavarësisht kësaj, për shkak të traditës, këto vende po e përballojnë këtë krizë me dinjitet dhe me një ligjërim që u jep mundësinë të gjitha palëve që të shfaqen në skenën e ligjërimit me argumentet dhe me kulturën përkatëse, duke e shndërruar skenën e këtij ligjërimi në një teatër që të bën të reflektosh e të marrësh përgjegjësi. Ndërkaq, opinioni botëror po shokohet përditë e më shumë nga vdekja makabre e gazetarit amerikan me origjinë nga Arabia Saudite që u vra në mënyrë çnjerëzore prej sauditëve në konsullatën e tyre në Turqi. Pikërisht, kjo ngjarje tregon se çfarë diference kanë në mentalitet dhe në ligjërim dy botët, ajo perëndimore dhe ajo lindore. Kjo histori më kujtoi edhe zhdukjen e Remzi Hoxhës dhe vrasjen makabre të tij prej SHIK-ut që drejtohej me dorë të hekurt prej Sali Berishës. Sot, bota perëndimore me SHBA-në në ballë, është tronditur nga vrasja e gazetarit me origjinë saudite dhe me pasaportë amerikane dhe po i kërkojnë mbretit saudit që të tregojë të vërtetën. Mirëpo, vini re ! Në fillim sauditët e mohuan, pastaj thanë se është vrarë duke u zënë me disa persona në konsullatë, pastaj e pranuan, por fajësuan disa persona dhe nuk tregojnë motivin. Ndërsa trupin e viktimës, jo vetëm që nuk e tregojnë, por ashtu siç e kanë zhdukur, dhe atë që kanë bërë me atë kufomë, të dyja këto janë të mbuluara me aq makabritet sa asnjë mendje normale nuk mund ta rrokë. Mirëpo, çfarë ndryshimi ka mes zhdukjes së Remzi Hoxhës dhe vrasjes makabre dhe zhdukjes së kufomës së gazetarit saudit me pasaportë amerikane Xhamal Kashoxhi (Jamal Khashoggi) ?
Gazetari që Edi Rama e ka zgjedhur për të ruajtur marrëdhëniet e partisë që drejton me publikun, moderatorja me paraqitje burrri dhe me zë të hollë dhe ata që e ndiejnë këtë krim, kur dëgjonin Sali Berishën që ulërsite si i çmendur « Kafshe ! Kafshë ! kafshë ! » duhet të ishin kujtuar të paktën se ai kur ai ishte President dhe drejtonte SHI-un me dorë të hekurt, siç e akuzojnë familjarët e të ndjerit Hoxha, ka rrëmbyer, ka torturuar, ka vrarë dhe ka zhdukur Remzi Hoxhën, njësoj siç akuzohet mbreti saudit Ahmet Bin Salman.
