Shteti që bllokon përdorimin e Facebook dhe YouTube
Jo në të gjitha vendet e botës keni lirinë e përdorimit të mediave sociale, por një prej shteteve ka bllokuar qasjen në “Facebook” dhe “YouTube”.
Përdoruesit e internetit në Taxhikistan lajmëruan sot se mund të hynin tek këto uebsajte vetëm me autorizim.
Asomuddin Atoev, kreu i ofruesve të shërbimit të internetit në Taxhikistan, tha për RFE/RL se qasja në këto sajte është bllokuar, pas një urdhri të dhënë nga Shërbimi Shtetëror i Telekomunikacionit.
Një burim i afërt me këtë shërbim shtetëror konfirmoi për median RFE/RL se, ofruesit e internetit janë urdhëruar të ndalojnë qasjen në këto sajte për qëllime që nuk bëhen të ditura. Autoritetet e këtij shteti janë kritikuar gjithmonë për bllokimin e shërbimeve të Google-it, YouTube-it, Facebook-ut dhe rrjeteve të tjera sociale.
Një rast i ngjashëm u shënua së fundi në qershor të këtij viti, kur qeveria hoqi bllokimin për përdorimin e këtyre sajteve, pasi një oficer policie u shfaq në një video online duke njoftuar dezertimin e tij në grupin e Shtetit Islamik.
