Ende s’ka përgjigje zyrtare nëse në fshatin Torinë të Lipjanit ka edhe gaz. Kjo për shkak se Shteti s’i ka zbardhur ende mostrat e marra për këtë qëllim. Sidoqoftë, pronarët e tokës, ku po del substanca që po digjet, kanë treguar se ka nisur interesimi i kompanive private për këtë pasuri natyrore.
Ajet Kadrija, banori i fshatit Torinë të Lipjanit, në vend të uji, ka zbuluar diçka tjetër në arën e tij. Po thotë se është gaz. Për të vërtetuar këtë, ai tregon gropën e hapur prej 52 metrave. Rast të ngjashëm ka edhe Emin Iliazit. Edhe ai kishte nisur të kërkonte ujë. Por, kur kishte hapur bunarin i kishte, dalë, sipas tij, gazi natyror. Ai thotë se thellësia e gazit është rreth 83 metra, dhe mund të jetë më e madhja në rajon.
Bile, ditë më parë, kishin tentuar për ta djegur dhe lartësia ka shkuar deri në 10 metra dhe është dashur intervenimi i zjarrfikëseve. Për këtë ai ka lajmëruar edhe institucionet e Kosovës, lajmëron Gazeta Express.