Dy persona janë arrestuar dhe një i tretë është shpallur në kërkim nga Policia e Tiranës pas një aksioni anti-drogë.
Në pranga ka rënë 23-vjeçari me iniciale S.H. i akuzuar për shitje të dozave të kanabisit, ndërsa në kërkim është shpallur bashkëpunëtori i tij Xh.B.
Gjithashtu është arrestuar edhe një 24-vjeçar me iniciale B.S. banues në Turqi, i cili u kap me një sasi kanabisi që dyshohet se e kishte blerë tek 23-vjeçari.
Nga kontrollet e bëra në kuadër të aksionit, policia zbuloi një banesë të marrë me qira që ishte përshtatur për përgatitjen e dozave të kanabisit. Aty gjeti dhe sekuestroi 5 kg kanabis dhe 2 peshore elektronike.
