Gjykata e Lezhës zhvilloi sot seancë për të vendosur dhe komunikuar masat e sigurisë për tre të arrestuarit , që ranë në pranga disa ditë më parë për kultivim të lëndëve narkotike.
Armel Nikdukaj, Elvis Shpellazi dhe Armando Ndreca (vëlla i deputetit socialist Eduart Ndreca) u arrestuan disa ditë më parë, nën akuzën se kishin kthyer një stan në fshatin Kashnetaj në shtëpi bari.
Për dy të parët Gjykata vendosi masën e sigurisë arrest me burg, ndërsa për vëllanë e deputetit vendosi masën detyrim me paraqitje.
Sipas gjykatës ndalimi i vëllait të deputeit të partise socialistt Eduard Ndreca nga policia, ishte i paligjshëm. Ne këtë konkluzion ka dalë gjykata e Lezhes, e cila vendosi masën e sigurise detyrim paraqitje, kërkesë qe u bë në seanceë dhe nga prokurorja Irena Sufi.
Për Armando Ndrecën nuk ka prova që është përfshirë në këtë veprimtari kriminale.
Policia deklaroi ditën e arrestimit se gjatë kontrollit u gjet një ambien (stan), në pyjet e fshatit Kashnjet, i cili ishte pershtatur për kultivim të bimëve narkotike cannabis sativa, nëpërmjet llambave që furnizoheshin me lidhje të paligjshme të energjisë elektrike.
Nga ky ambient u sekuestruan 2973 bimë narkotike (disa prej tyre fidanë të gatshëm për t’u kultivuar në tokë), një sasi lënde narkotike cannabis sativa, 50 llamba, pajisje ventilimi, sende të tjera që i shërbenin kësaj veprimtarie kriminale dhe 3 celularë.
Më tej, në banesat e 2 të arrestuarve në flagrancë, Policia gjeti 3 armë të ftohta dhe 1 maskë.
/a.r
