Shtatzënë, Rudina Magjistari publikon foto buzë liqenit
Në muajin qershor ajo bëri publik lajmin se është në pritje për t’u bërë nënë dhe tashmë po i afrohet mesit të shtatzënisë. Prezantuesja Rudina Magjistari është shkëputur përkohëshisht nga ekrani për t’iu dedikuar pritjes së ëmbël dhe për ta shijuar sa më qetësisht këtë periudhë.
Me sa duket një udhëtim në Zvicër ajo po e shijon shumë dhe sjell fotografi nga qëndrimi i saj atje. “Në një nga 1484 liqenet e Zvicrës”, shkruan Rudina bashkëngjitur një fotografie të postuar sot në Instagram.
Ajo duket disi më e rrumbullakosur e veshur me një fustan të lirshëm deri sipër gjurit. Rudina është shtatzënë me të fejuarin e saj disa vjeçar, ish-kampion i kick boksit Xhavit Bajramaj.
