Shtatë persona që kishin konsumuar ushqim në të njëjtin lokal në Laprakë janë helmuar.
Ata kishin konsumuar mish pule çka më pas u ka shkaktuar probleme gastrointensinale, duke bërë që të përfundojnë në urgjencën e shërbimit infektiv
“Kemi shumë raste që vijnë nga lokalet, të fundit u helmuan pasi konsumuan mish pule”, thotë Ermira Muço, mjeke.
Vetëm gjatë 24 orëve të fundit, mjekja e Rojës, bashkë me ekipin e saj në urgjencën e infektivit kanë pritur 130 raste me intoksikacione dhe probleme virale. Ndonëse numri i pacintëve të helmuar nga ushqimi vjen nga lokalet, të cilët në këtë periudhë nuk mungojnë dhe rastet helmimeve nga konsumi i ushqimit në shtëpi.
Shpesh, për shkak të ngarkesës së ditës, përgatiten ushqime të cilat vendosen në ngrirje për t’i konsumuar në ditët në vazhdim, por që sipas mjekes Muço duhet bërë kujdes kur ushqimi del njëherë nga frigoriferi.
Ekipi i mjekëve në shërbimin infektivi, i cili po përballon një fluks të madh pacientësh gjatë kësaj periudhe u bën thirrje amvisave të bëjnë kujdes me ruajtjen e produkteve ushqimore dhe gatimin e tyre. /b.d
