Komisioni Evropian ka kumtuar se Austria ka vendosur që “për shkak të situatës që ka dalë jashtë kontrollit”, nga shkurti deri në shtator të zbatojë mbikëqyrjen e kufijve të brendshëm të Shengenit. Me këtë, gjithsej shtatë shtete të Bashkimit Evropian kanë futur në përdorim këtë mbikëqyrje të përkohshme të hapësirës së Shengenit, ka deklaruar përfaqësuesja për shtyp e Komisionit Evropian, Natasha Bertaud. Bertaud ka shtuar se për shkak të vlerësimit për situatën kërcënuese, gjë që është edhe në përputhje me rregullat e Shengenit, këto masa i kanë ndërmarrë Austria, Franca, Gjermania dhe Malta. Më herët këtë hap e ndërmorën Danimarka dhe Suedia.
