Juventusi po përballet me një situatë të paprecedentë. Bardhezinjtë siguruan afrimin e Kolo Muani nga PSG-ja në huazim deri në fund të sezonit, por po hasin vështirësi për të regjistruar.
Sulmuesi francez kaloi me sukses vizitat mjekësore dhe pret të zbresë në fushë, por ende nuk ka ardhur zyrtarizimi nga Juventusi.
Sipas rregullores së FIFA-s, një klub lejohet të huazojë gjatë një sezoni vetëm gjashtë lojtarë. Kolo Muani është futbollisti i shtatë që huazohet nga PSG-ja, pas Carlos Soler te West Ham, Nordi Mukiele te Bayer Leverkusen, Cher Ndour te Besiktas, Gabriel Moscardo te Reims, Juan Bernat te Villarreal dhe Renato Sanches te Benfica.
Që të zhbllokohet transferimi i Kolo Muani te Juventusi, duhet që PSG-ja të shesë të paktën një nga futbollistët që ka dhënë në huazim. Gjasat janë që Ndour të zgjidhë ngërçin, pasi thuhet se është pranë transferimit të përhershëm në një klub të Serisë A.
