Pak ditë pasi u bë publike në media historia e saj, sepse gazetarët holandezë kërkuan të gjenin identitetin e shqiptares së vrarë në Amsterdam, policia e Elbasanit ka bërë të ditur zyrtarisht se Zyra Hida, është trafikuar nga viti 1995 deri në vitin 1997 ishte trafikuar drejt shtetit Italian dhe më pas në Hollandë me qëllim shfrytëzimin e saj për prostitucion.
Burime të pakonfirmuara, jo zyrtarisht kanë konfirmuar për “Panorama” se shtetasit me iniciale SH.M dhe G.S, banues të dy në Elbasan të cilët janë shpallur në kërkim me akuzën e “Trafikimit të personave”, janë ish-bashkëshorti dhe motra e tij.
Një ditë më parë, ishte motra e Zyra Hidës, e cila teksa foli për mediat akuzoi ish-burrin dhe ish-kunatën e Zyrës se e kishin shitur me qëllim për ta trafikuar për prostitucion për 1 milion lekë të vjetra. (lexo më shumë këtu)
“Pasi nuk gjeti mbështetjen e familjes, Zyraja ra në marrëveshje me bashkëshortin e saj që të shkonin bashkë në Itali, ndoshta për një jetë më të mirë. Por më pas ne mësuam se Zyraja ishte shitur për 1 milion lekë të vjetra, dhe ende nuk jemi të qartë se atë e shiti bashkëshorti i saj, apo si ka ndodhur ndryshe”,- tha motra e Zyrasë, Xhuljeta./Panorama
