Vrasja makabra e 21 vjeçarit shqiptar Daniel Xhafa në Larisa të Greqisë, duket se ka ndodhur për shkak të një lidhje dashurie më një grua të martuar nga Korça. Këto janë të dhënat e fundit që bëhen të ditura nga autoritetet greke të cilat dyshojnë se pas kësaj lidhje dashurie të fshihet motivi dhe autori i krimit makabër.
Kjo konfirmohet edhe nga vetë familjarët e viktimës të cilët shprehen se e dinë mjaft mirë se autorët e vrasjes së Danielit, që sipas tyre janë nga Korça. Nga ana tjetër, vëllai dhe kushëriri pranojnë edhe lidhjen e dashurisë mes 21-vjeçarit dhe një gruaje të martuar, që sipas tyre ai u josh nga ajo, ndërsa burri i saj e vrau.
I riu është përcjellë ditën e djeshme në banesën e fundit në fshatin e tij të lindjes Kuman të Fierit, ndërsa familja e tij që jeton në qytetit vijon të presë vizita për ngushëllime.
