Ai u fut në një bar dhe i mori 500 euro pronarit, duke i thënë se ishte një pagesë që i detyrohej për disa punë, për të cilat nuk e kishte paguar. Për ta bindur që ti jepte paratë, e kërcënoi me vdekje. Por, u arrestua për zhvatje nga karabinierët, dhe ndaj tij u vendos masa e sigurisë së arrestit me burg.
Protagonist i ngjarjes së ndodhur mëngjesin e djeshëm në Milano të Italisë, është një 33-vjeçar shqiptar, identiteti i të cilit nuk bëhet i ditur nga mediat lokale. Ai u fut në lokal, theu disa filxhanë me kafe dhe u tha të gjithëve të dilnin prej aty, përveç pronarit, të cilit i mori 500 euro.
Por, një nga klientët e detyruar të dilte jashtë barit, telefonoi karabinierët. Efektivët mbërritën në vendngjarje dhe arrestuan shqiptarin. Pronari i barit denoncoi 33-vjeçarin, duke thënë se, ka tentuar ta zhvatë edhe dy herë të tjera.
ma.me
