Një 39-vjeçare është paraqitur para Gjykatës themelore në Günzburg, për shkaktim të lëndimeve të rrezikshme trupore. Tani, ajo do të duhet të paguajë gjobë. Akuzat ndaj 39-vjeçares kanë qenë me pasoja për të. Gjatë një zënke me ish të dashurin kosovar në Burgau, ajo ia kishte shkaktuar një plagë me kaçavidë. Por, kjo nuk ka qenë e vetmja kundërvajtje e polakes së lindur e cila është dashur të përgjigjet para Gjykatës së Günzburgut. Edhe në prill të vitit 2016, në lokalin e ish ta dashurit të saj në Burgau kishte ndodhur një rast të cilin Prokuroria e vlerësoi si plaçkitje.
Atje, ajo e theu aparatin e lojërave të fatit me një karrige dhe i mori 1300 euro para të gatshme. Dëmi i përgjithshëm ka arritur në më tepër se 2800 euro. Hetimet policore kishin filluar nga momenti që ish i dashuri i saj 57-vjeçar, e kishte denoncuar pasi me kaçavidë ia kishte shkaktuar një plagë pesë milimetërshe në krah. Pas ndarjes së tyre, kosovari ishte zemëruar duke ia thyer mobilet në banesë dhe dukë i shkaktuar dëme të tjera materiale, shkruan “Augsburger Allgemeine”, përcjell Albinfo.ch.
Në momentin që gruaja deshi ta pengojë, gjatë zënkës ajo e lëndoi me kaçavidë. Në ndërkohë, në Gjykatën rajonale të Memmingenit është në rrjedhë e sipër një proces gjyqësor, me të cilin e pandehura i kërkon ish të dashurit tetë mijë eurodëmshpërblim për dëmtimin e gjësendeve në banesë. Pasi 39-vjeçarja paraprakisht nuk kishte qenë e dënuar ndonjëherë, gjykatësja e dënoi me gjobë prej 200 euro, të cilat do të shkojnë në llogari të ndihmave me artikuj ushqimorë në Günzburg.
ma.me
