Një person është vënë në prangat e policisë kufitare të Qafë Thanës, me dokumente të falsifikuara.
I arrestuari është Artan B., 44 vjeç, banues në Pogradec.
Ndalimi i tij u bë pasditen e kësaj të marte, në Pikën e Kalimit Kufitar Qafë Thanë.
Gjatë kontrollit të dokumentacionit, iu konstatuan dhe sekuestruan në cilësinë e provës materiale një kartë identiteti dhe një leje drejtimi italiane, të dyshuara si të falsifikuara.
Ndaj të dyshuarit hetimet janë në vijim, ndërkohë që materialet iu referuan Prokurorisë së Pogradecit për veprime të mëtejshme. /b.d
