Një shqiptar është arrestuar nga policia italiane, në zonën e Savona, i kapur me kokainë.
Bëhet fjalë për 30-vjeçarin Daut Terziu, i cili u pikas nga patrulla duke hyrë në një makinë të parkuar në zonën e Valloria, për të dalë pak më vonë prej saj.
Veprimi i tij në dukje normal, ishte parë në disa raste, ku pas kësaj, i riu hipte në një motor dhe largohej me shpejtësi të madhe.
Por mbrëmjen e së mërkurës ai u mbajt nën vëzhgim nga policia, duke e ndaluar teksa hynte në makinë për herë të tretë, ku mori diçka. Dhe teksa tentonte që të hipte në motoçikletë, u ndalua nga policia. Sjellja e tij e dyshit bëri që të thellohen kontrollet, ku u kap me disa doza kokaine me vete, të fshehura brenda një pakete cigaresh.
Ndërkohë, gjatë kontrollit në mjet u gjetën edhe rreth 150 gramë kokainë, të fshehura po në paketë cigaresh, si dhe një peshore, që shërbente për ndarjen e lëndës narkotike.
Nga kontrolli në shtëpinë e Terziut, policia gjeti rreth 600 euro, të cilat dyshohet të jenë fitim i aktivitetit të tij kriminal.
/a.r
