Një 38 vjeçar shqiptar rezident në Romë me një të shkuar kriminale përfundoi në prangat e policës vendase.
Ai akuzohet për posedim të lëndëve narkotike, ndërsa jetonte në mënyrë të parregullt në vend, raporton Ora news. Arrestimi i tij u bë pas vëzhgimit të një motori që qarkullonte në mënyrë të dyshimtë në Via Cipro. Pasi i afrohet policia, shqiptari braktis mjetin.
Brenda pjesës së pasme të motorit, policia ka gjetur dhe sekuestruar 2 kg hashash, i ndarë në 20 pako me nga 100 secili. Pas 48 orësh hetime, policia ka zbuluar identitetin e tij, ndërsa në një banesë janë gjetur 8 150 euro, para që dyshohen se kanë ardhur si shkak i aktivitetit të shitjes së drogës. Shqiptari i është nënshkruar paraburgimit, ndërsa është dërguar në burgun “Regina Coeli” në pritje të procesit gjyqësor.
