Një 19-vjeçar shqiptar është arrestuar në Greqi, pasi akuzohet për vjedhje. Mediat greke raportojnë se i riu ishte specialist i vjedhjeve nëpër dyqane.
Hetimet për kapjen e të riut shqiptar kishin filluar disa kohë më parë, kur edhe u dokumentuan një sërë vjedhjesh në zonën e Korydallos.
Emri i të riut shqiptar nuk është bërë publik, por mediat në Greqi kanë publikuar videon e një grabitje në një dyqan.
Nga hetimet u zbulua se 19-vjeçari shqiptar është i përfshirë në 16 raste vjedhjesh në dy muajt e fundit.
I riu shqiptar preferonte të lëvizte në këmbë. Në rastin e fundit të publikuar nga mediat, ai pasi zgjodhi dyqanin që do të grabiste theu xhamin dhe u fut brenda duke marrë të gjitha paratë që ndodheshin në arkë.
AI u arrestua dhe iu dorëzua autoriteteve të drejtësisë në Greqi.
/a.r
