Një shqiptar ka rënë në pranga në Itali, pasi është kapur me 25 kilogramë marijuanë në makinë dhe 133 kg lëndë të tjera narkotike në garazh. Shqiptari po ecte ngadalë në autostradë ndërsa udhëtonte drejt Bergamos duke ngritur dyshime te policia rrugore.
Dyshimet e efektivëve të policisë u shtuan pasi shqiptari shfaqi nervozizëm në momentin që i kërkuan dokumentet. Pas kontrollit në makinën Ford Focus të 34-vjeçarit A.L, rezident në Osio Sopra policia sekuestroi 25 kilogramë marijuanë.
34-vjeçari e mbante drogën në 4 kuti të mëdha në pjesën e pasme të mjetit dhe kur u pyet për ngarkesën, mbeti i “mpirë” por nuk vonoi ta pranojë se ishte hashash. Pas kontrollit në banesë nuk u gjet asgjë, por policia vijoi kërkimet.
Pasi gjetën një çelës në shtëpi rreth 1 kilometër larg banesës efektivët lokalizuan një garazh ku shqiptari kishte fshehur 6 kilogramë kokainë, 84 kilogramë hashash dhe 43 kilogramë marijuanë. 34-vjeçarin e në qelitë e paraburgimit në Bergamo ku do të presë masën e sigurisë.
