Policia italiane ka arrestuar një shqiptar të shpallur në kërkim për trafik droge.
Mësohet se ai është një 33-vjeçar, ende i paidentifikuar, që u vu në pranga në Bolonja.
Ndaj tij ishte lëshuar një urdhër-arresti europian nga Belgjika për krimin e trafikut të drogës dhe krimeve kundër trashëgimisë.
Shqiptari jetonte kohët e fundit në provincën e Modenës, pa pasur probleme me ligjin në shtetin italian, ndërsa u arrestua të premten në Bolonja ku u gjurmua dhe u bllokua pas kërcënimeve.
Ai jetoi midis Bolonjës dhe Modenës. I riu ndodhet pranë autoriteteve të Bolonjës, në pritje të ekstradimit.
/a.r
