Një 24 vjeçare rumune është rrëzuar nga dritarja, nga kati i dytë ( lartësia prej 7 metrash). Ngjarja ka ndodhur në Dyseldorf të hënën, ndërsa dyshohet se autor është partneri i saj, një shqiptar 39 vjeçar.
Gruaja ka pësuar lëndime të rënda por falë ndërhyrjes së mjekëve ajo ndodhet jashtë rrezikut për jetën, shkruan pr-online. Personi që ndodhej në banesë me të është arrestuar të martën nga policia, pa bërë rezistencë, transmeton albinfo.ch. Motivet dhe rrethanat e aktit janë ende të paqarta. Policia dhe prokuroria janë duke zhvilluar hetimet lidhur me dyshimin për tentim vrasjeje.
Por e plagosura pas operacionit u ka deklaruar mjekëve se ka qenë partneri i saj ai që e ka shtyrë. Gjatë kontrollit të banesës policët kanë gjetur drogë.
I dyshuari për tentative vrasje, deri tani nuk ka pranuar akuzat.
c.a
