Gjendet në Greqi kufoma e një të riu shqiptar, rrethanat e vdekjes së të cilit nuk dihet ende.
Viktima është gjetur në zonën e Chania në Villa Koundouro, ndërsa sipas policisë greke, i përket një 22-vjeçari shqiptar.
Trupi i pajetë është gjetur nga banorë të zonës, në orët e para të mëngjesit të sotëm.
Kufoma është gjetur pranë zonës së portit, ndërsa nuk dihet nëse bëhet fjalë për vdekje natyrale apo vrasje.
Paraprakisht në trupin e emigrantit shqiptar nuk konstatohen dëmtime fizike, ndërkohë që ekspertiza pritet të përcaktojë më shumë mbi rrethanat e ngjarjes.
Aktualisht nga ana e policisë po vijojnë hetimet për të zbuluar më shumë mbi gjithë sa ka ndodhur.
/b.d
