Një tryezë me të gjitha të mirat, koka kola, pjata me mish. Duket fiks si një festë mes miqsh, dhe mbase është e tillë, por ajo që e bën të vecantë, është se festa bëhet në burg, në një qeli.
Protagonist është shqiptari, Emanuel Dema, i cili rrezikon plot 16 vjet burg për grabitjet që ka kryer së bashku me bandën e tij. Por kjo nuk e pengon të organizojë festa në burg, madje të shpërndajë edhe fotot në rrjetet sociale.
Fotoja e fundi e postuar prej tij është bërë në qelinë e tij duke festuar ditëlindjen e një miku, brenda burgut të Montorio-s, në provincën e Verona-s.
Kjo nuk është hera e parë që Demajt i gjendet një smartphone në qeli. Më herët, kur e kapën me celular, u zbulua se ai e përdorte për të telefonuar vëllain e tij Erion, i burgosur në Lion të Francës. Celulari iu mor, por duket se ai ka gjetur një të ri.
“Buzëqeshja tallëse që shfaq në fotografi, është një sfidë ndaj drejtësisë italiane, një shuplakë ndaj sistemit të burgjeve, një pështymje në fytyrë të gjykatësit që do ta dënojë”, shkruajnë mediat lokale.
PO këto media shkruajnë se, Emanuel Demaj me këtë foto sfidon drejtësinë italiane dhe kërkon të dëshmojë se mund të bëjë jetën që bënte dhe jashtë hekurave. (javanews.al / a.r)
