Shqiptarët bëhen sërish protagonistë në botë, duke dhënë shembull. Ngjarja këtë radhë ka ndodhur në Zvicër, ku një shtetas shqiptar është shndërruar në heroin e ditës pasi i ka shpëtuar jetën një piloti zviceran.
Lajmi bëhet i ditur nga mediat zvicerane, sipas të cilave në komunën Muhen të kantonit Aargau, është rrëzuar një avion i vogël, i cili drejtohej nga një pilot privat. Pas rrëzimit avioni është përplasur me një makinë dukë lënë të lënduar pilotin dhe drejtuesen e automjetit.
Në këtë moment shqiptari Zeqir Rexhaj nga qyteti Ëohlen, tërhoqi pilotin nga avioni që po digjej. Sipas mediave zvicerane, pa ndihmën e shqiptarit, piloti nuk do të kishte mbijetuar. Më vonë Rexhaj ka treguar se ishte duke shkuar nga puna në shtëpi, kur ndodhi tragjedia.
“Befas në anën e djathtë pashë një avion duke fluturuar shumë ulët. M’u duk e çuditshme, sepse aty afër nuk ka pistë. Gjatë rrëzimit avioni u përplas me një makinë, duke e rrokullisur atë. E ndala menjëherë makinën dhe vrapova te vendi i aksidentit. Pasi pashë që avioni po digjej dhe gruaja në makinë nuk ishte drejtpërdrejtë në rrezik, vendosa t’i ndihmoj pilotit”, është shprehur shqiptari.
Rexhaj ka treguar se piloti nuk kishte më forcë të dilte nga avioni dhe flakët kishin përfshirë edhe trupin e tij.
“Unë thjesht reagova dhe e kapa për koke duke e tërhequr nga avioni”, tha Rexhaj, duke shtuar se në ditët në vijim do e vizitojë në spital pilotin e plagosur.
