Sipas tabloidit britanik “The Sun” me tirazh të madh dhe klikime të mëdha online, grupet kriminale shqiptare kanë vënë në objektivin e tyre, anglezët që janë në pritje të ëmbël, të cilat mund të jenë të gatshme të regjistrojnë emigrantët si babain e fëmijëve të tyre ende të palindur.
Reklamat në TikTok, synojnë gra dhe vajza angleze që janë të gatshme për të futur në certifikatat e lindjes së fëmijëve të tyre emigrantë të refuzuar, me qëllim shmangien e deportimit të tyre nga Britania, me argumentimin se ata kanë të drejtë qëndrimi si e drejtë njerëzore e pasjes së familjes në Britani.
“The Sun” ka gjetur një reklamë në TikTok, e cila më pas është fshirë, e cila vetëquhej “Zyra Konsullore Londër”. Po ashtu The Sun shkruan se edhe në “Facebook” kanë gjetur një person ne një faqe për shqiptarët në Britani, i cili kërkon të paraqitet si njerk, për të njëjtën arsye.
Këto vepra penale serioze nuk bëhen pa pëlqimin dhe miratimin e nënave britanike dhe hetimi i “The Sun” nuk e përmend këtë fakt, si një palë në këtë tango penalisht të dënueshme. Lajmi vjen në një kohë kur trysnia ndaj Sunakut për të frenuar kalimet ilegale dhe uljen e shifrave të emigrantëve të mbërritur në ishull, po shtohet së tepërmi, kur partia e tij do të testohet me shumë gjasa në tetor të këtij viti në zgjedhjet e reja parlamentare. Çdo ditë po vijnë gomone nga Franca drejt brigjeve britanike, ku shifra zyrtare më e fundit është 5500 të mbërritur, mes tyre edhe shqiptarë. Vetëm këtë vit, janë riatdhesuar në Shqipëri 700 shqiptarë, emigrantë dhe të dënuar. Ndërkohë, vetëm në 2023 mbërritën në Britani 13.714 shqiptarë./tch
