Policia ka arrestuar në Warstein dy shqiptarë teksa kishin marrë arratinë pas grabitjes me dhunë ndaj një të moshuare brenda vilës së saj.
Shqiptarët kanë behur në vilë dhe i kanë drejtuar pistoletën në kokë të moshuarës. Më pas e kanë lidhur në karrike dhe i kanë mbyllur gojën. Por mesa duket “teknikat” për të lidhur personat nuk kanë qenë pika e fortë e shqiptarëve, pasi e moshuara ka arritur të lirohet dhe ka njoftuar policinë gjermane.
Policia fillimisht ka kapur njërin nga grabitësit I cili ishte fshehur në afërsi të vilës. Ndërsa shqiptari tjetër është kapur falë qenit policor teksa po tentonte të largohej në një zonë malore./a.m.
