Shqiptarët kanë filluar t’i frikësohen martesës. Këtë e tregojnë të dhënat e Institutit të Statistikave, sipas të cilit, numri i atyre që shkojnë në altar, ka pësuar rënie nga viti në vit. Përgjatë 2014 kemi 8.2 martesa për 1 mijë banorë. Psikologët janë të mendimit se të rinjtë tremben nga përgjegjesitë ndaj edhe refuzojnë martesën.
Sa i takon moshës mesatare të martesës, ndër vite mbetet thuajse e njëjtë, 29,5 vjeç për meshkujt dhe 24,1 vjeç për femrat. Kjo në fakt duket se është edhe mosha ideale për të krijuar familje.
Përgjatë 14 viteve, 2004 është viti që ka shënuar rënien me të madhe të martesave me 6.9 martesa për 1000 banorë, ndërsa 2003 ka shënuar rekordin e martesave me 9 martesa për 1000 banorë./Tv Klan/
