Shqiptarët janë të njohur në botë për bandat e tyre të trafikut dhe prostitucionit. Dhe duket se një traditë të tillë shqiptarët e kanë ngritur edhe në kampet e azilkërkuesve në Gjermani. Është gazeta holandeze “Algemeen Dagblad” e cila jep një lajm të tillë për fenomenin e bandave shqiptare në kampet gjermane të azilit.
Sipas kësaj gazete, shqiptarët krerë të këtyre bandave po tentojnë t’i kthejnë kampet në qendra prostitucioni. Disa prej grave dhe vajzave në kampe janë përdhunuar nga azilkërkuesit e të tjera kanë pohuar se janë detyruar të prostituohen.
Janë vetë gratë dhe vajzat në këto kampe të cilat kanë treguar për gazetën holandeze se tashmë e kanë të kufizuar çdo lëvizje, në tentative për të shmangur çdo rrezik të kësaj natyre brenda kampit.
Sipas gazetarit Wierd Duk, në qendër të këtyre akteve skandaloze janë bandat shqiptare, që mbeten në një luftë të vazhdueshme dominance, me bandat afrikane të Eritrese e Somalisë.
Gazetari holandez Duk, shpjegon se letra ishte konfidenciale, adresuar qeverisë gjermane, por ajo u zbulua nga disa neo-naziste, të cilët nuk vonuan ta publikonin në ëebsitin kundër emigracionit masiv në Gjermani.
