Dy shtetas shqiptarë, 29 dhe 33 vjeç, u arrestuan nga policia në Monza pranë Milanos për trafikim të lëndëve narkotike.
Pas ndalimit nga policia italiane atyre iu gjet në një kuti plot 160 kilogramë drogë e llojit marijuanë. Më pas nga një tjetër kontroll në një bodrum në Legnano karabinierët konfiskuan edhe 11.5 kilogramë kanabis. Shqiptarët u arrestuan teksa po shkarkonin drogën në një magazinë në pronësi të tyre. Të dy shqiptarët, identiteti i të cilëve nuk bëhet i ditur, janë dërguar në burgun e San Vittore në Milano.
Mediat italiane gjithashtu bëjnë me dije se operacioni është pjesë e një plani të departamentit provincial të policisë në Milano, i cili që nga fillimi i vitit ka arritur 860 arrestime dhe sekuestrimin e më shumë se 1,600 kg drogë dhe 1,400 bimëve të kanabisit.
a.ç
