Federata e Futbollit e Zvicrës, që nga Federata e Futbollit e Kosovës llogaritej ndër aleatet më të forta të saj, doli të ishte kundërshtarja më e madhe gjatë Kongresit të UEFA-s të mbajtur të martën në Budapest, vecmas Serbisë që pritej të kundërshtonte.
Me gjithë këto kundërshtime, Kosova u pranua në UEFA me 28 vota për, 24 kundër dhe 2 të pavlefshme, shkruan “Koha Ditore”.
Fillimisht, Zvicra beri te flitej rreth amendamenteve të Statutit të UEFA-s, që parashikonte edhe ndërrimin e një neni që ka penguar vazhdimisht pranimin e Kosovës, e që ishte i lidhur me pranimin në OKB.
Pas debatit për të, propozoi që votimi të bëhej në mënyrë të fshehtë dhe kjo u aprovua. Në fund ndryshimet nuk kaluan, pasi nuk morën 2/3 e votave që kërkoheshin.
Pas kësaj i erdhi radha votimit për pranim të Kosovës. Paraprakisht pati debate. Pas Serbisë, fjalën e mori sekretari i përgjithshëm i Federatës zvicerane, Alex Miescher.
Ai e tha troç atë që e mundon Zvicrën – lojtarët shqiptarë të saj. U shpreh kundër që lojtarët të kenë të drejtë të ndërrojnë përfaqësuese pas pranimit të Kosovës. (b.an)
