Në 31 mars të vitit 2023, policia ekuadoriane konfirmoi ekzekutimin e Ruben Cherres, i cili njihej si bashkëpunëtor i grupit kriminal të shqiptarëve që merreshin me trafikun e drogës në shtetin e Amerikës Latine.
Sipas bisedave të zbardhura mes personave që dyshohet të jenë pjesë e grupeve lokale kriminale, Cherres ishte nën shënjestrën e shqiptarëve për shkak se nuk kishte arritur t’u shlyente një borxh prej miliona dollarësh.
Në një bisedë tjetër dy bashkëbisedues pretendojnë se Cherres ka qenë bashkëpunëtor i një shqiptari.
VM3: Kumbar, shiko seriozisht se çfarë mund të bëhet
VM1: Unë nuk do të përfshihem
VM3: Nuk po them përfshihu, por le të flasim me dikë
VM1: Jo, jo, nuk e kam shfletuar ditën kur këta djem mbrojtën njerëz të rrezikshëm, shok, ti e di për Tonny-n, jo për shëndetin tënd…
VM3: Cili?
VM1: Pana shqiptari, është ortak i Cherres
Në një bisedë tjetër ata vënë në dukje lidhjet e dyshuara mes shqiptarëve dhe një tjetër të akuzuari, Leonardo Cortázar.
VM1: Problemi tani këtu është rrëmbimi i Antonio dhe plumbat drejt shtëpisë së tij. Ky ishte Cortázar me shqiptarët”
VM2: jo është ajo që them unë vetë
VM1: sepse Cortazar është tashmë me shqiptarët, kështu që ai u bë i rrezikshëm si Salcedo, por një herë në burg u bë një djalë i keq.
Krahas lidhjes së tij të dyshuar me mafien shqiptare, Cherres shfaqet edhe përkrah Danilo Carrera, kunatit të Presidentit Lasso. Rubén Cherres dhe miku i tij Danilo Carrera u akuzuan nga Prokuroria si drejtues të strukturës së korrupsionit në kompanitë publike. Në mars 2023, Cherres u vra në shtëpinë e tij të pushimit në Shën Helena , së bashku me të dashurën e tij, një mik dhe një roje sigurie.
/f.s
