Divorci mbetet ende një problematik për mentalitetin shqiptarë. Sipas të dhënave të Gjykatës së Tiranës, nga 1408 çështje divorci që janë në shqyrtim, vetëm 121 janë zgjidhje martese me marrëveshje.
“Edhe pse kemi një lehtësi në zgjidhjen e martesës me marrëveshje sepse supozohet që çifti e ka ezauruar atë dëshirën për t’u pajtuar, sërish gjykata bën interin e saj procedural. Pra unë vë re që si zgjidhja e martesës me kërkesëpadi dhe zgjidhja me marrëveshje, po të flasim në terma kohorë, mund të kursejë një muaj deri në dy muaj”, tha nje avokate per RTSH.
Avokatja po ashtu thekson se ka nevojë për ndryshime në kodin e familjes për ta lehtësuar këtë proces.
“Na vjen keq që edhe çifte që nuk kanë fëmijë duhet ët zvarriten nëpër gjykate për të zgjidhur martesën. Nuk mund t’i imponosh më palëve seancë pajtimore, kur ato e kanë vendosur zgjidhjen e martesës me marrëveshje, apo kur gruaja ose burri vijnë nga dhuna në familje”, theksoi ajo.
Sipas të dhënave të Censusit të 2023, në të gjithë Shqipërinë janë 34.400 shtetas të divorcuar.
/a.r
