(Update) Ka mjaftuar një gol i Ergys Kaçes për t’i dhënë fitoren minimale Shqipërisë përballë Francës, në një ndeshje miqësore që vlen vetëm për moral për kuqezinjtë.
Një supergol i mesfushorit korçar nga goditja e dënimit në minutën e 43, i ka mjaftuar kuqezinjve që të mposhtin gjelat e Francës në “Elbasan Arena”.
Në pjesën e dytë, ekipi ynë kombëtar administroi rezultatin falë edhe disa pritjeve spektakolare të portierit Etrit Berisha.
Falë kësaj fitoreje tashmë Shqipëria mund të shpresojë për një ngjitje në vazon e tretë.
https://www.youtube.com/watch?v=6f-tez5IG7U
Supergol i Kaçes, Shqipëri-Francë 1-0
Një supergol i Ergys Kaçes ka kaluar në avantazh Shqipërinë në përfundim të pjesës së parë të ndeshjes miqësore me Francën.
Me një ence të realizuar në perfeksion nga 20 metra, Kaçe i ka dhënë golin e avantazhit deri më tani kuqezinjve në minutën e 43.
Starton në “Elbasan Arena” ndeshja Shqipëri-Francë
Ka startuar në “Elbasan Arena” ndeshja miqësore ndërmjet Shqipërisë dhe Francës. Në një stadium që përpos vapësh është ngjyrosur me fanellat kuqezi, ekipi ynë kombëtar do të tentojë të bëjë një performancë sa më dinjitoze pse jo dhe një rezultat pozitiv.
Në formacionin titullat të Shqipërisë spikasin shumë emra të rinj, ndërsa nga krahu tjetër gjelat e Francës kanë hedhur në fushë lojtarët më të mirë.
Shqipëria: Berisha – Hysaj, Cana, Ajeti, Aliji -Basha, Kaçe, Lila, Roshi, Lenjani – Cikalleshi
Franca: Lloris (cap) – Jallet, Varane, Sakho, Evra – Kondogbia, Gonalons – Lacazette, Payet, Griezmann – Giroud
Formacionet zyrtare Shqipëri-Francë
Shqipëria dhe Franca kanë publikuar formacionet zyrtare para takimit të tyre miqësor, që do të zhvillohet në ‘Elbasan Arena’.
Shqipëria do të luaëj me shumë lojtarë që nuk kanë qenë titullarë në ndeshjet e fundit, por që pritet të tregojnë vlerën e tyre.
Shqipëria: Berisha – Hysaj, Cana, Ajeti, Aliji -Basha, Kaçe, Lila, Roshi, Lenjani – Cikalleshi
Franca: Lloris (cap) – Jallet, Varane, Sakho, Evra – Kondogbia, Gonalons – Lacazette, Payet, Griezmann – Giroud
Gati për ndeshjen Shqipëri-Francë, ja formacioni kuqezi
Tashmë çdo gjë është gati për ndeshjen Shqipëri-Francë dhe atmosfera tek kuqezinjtë është mëse pozitive në objektivin për eliminatoret “Euro 2016”.
Trajneri Gianni De Biasi ka vendosur ta konsiderojë këtë ndeshje si një shans për disa lojtarë që janë aktivizuar më pak në të shkuarën dhe thjesht si një ndeshje miqësore.
Kështu pritet të luajnë nga minuta e parë: Berisha, Hysaj, Cana, Ajeti e Aliji. Në mesfushë Basha, Kaçe, Lila, Roshi dhe Lenjani, ndërsa në sulm do të jetë Cikalleshi.
Shqipëri-Francë luhet në “Elbasan Arena” në ora 18.00.
