Shqipëria shpenzon për qëllime ushtarake 41 USD për frymë, thuhet në një raport që publikoi SIPRI (Stockholm International Peace Research Institute) për vitin 2015.
Kështu Shqipëria renditet si vendi me shpenzime ushtarake më të ulta në botë.
Kosova, e cila ende nuk ka ministri Mbrojtjeje dhe Forca të Armatosura, shpenzon 27 USD për banor.
Shqipëria është vend anëtar i Aleancës së Atlantikut të Veriut që nga viti 2009. atëherë autoriteteve shqiptare iu bë e qartë se duhet të rritnin fondet që ndanin nga buxheti vjetor i shtetit për ushtrinë, duke e çuar në jo më pak se 2 për qind të PBB (Prodhimi i Brendshëm Bruto).
Kjo nuk ndodhi asnjëherë deri sot.
Duke iu referuar vitit 2015 buxheti për mbrojtjen ishte 1.14 për qind sipas raportit.
Kurse më 2014, sipas ministres së Mbrojtjes, Mimi Kodheli, ishte 1.2 për qind.
Nga fqinjët, FYR Macedonia më 2015 kishte shpenzime ushtarake për banorë 51 USD; Mali i Zi në 104 USD, Greqia 457 USD dhe Italia 390 USD për banor.
Në Europë, nivelin më të lartë të shpenzimeve ushtarake e ka Norvegjia me 1,147 USD/banorë
Në SHBA, shpenzimet ushtarake për vitin 2015 në raport me PBB-në ishin 3.3%, në Kinë në 1.9% dhe në Japoni në rreth 1%.Këto vlera tregojnë shifrën e parave të shpenzuara për çdo banorë – përfshi këtu edhe fëmijët./noa.al
