Greqia ka reaguar pas rekomandimit pozitiv për çeljen e negociatave me Shqipërinë.
Përmes një deklarate të shpërndarë për mediat, Ministria e Jashtme e Greqisë shpreh mbështetjen për integrimin e Shqiëprisë në në BE, por tërheq vëmendjen edhe njëherë për të drejtat e minoritetit.
“Si një vend fqinj, Greqia po punon sistematikisht për të promovuar marrëdhëniet e saj me Shqipërinë dhe ish Republikën Jugosllave të Maqedonisë. Nën presidencën greke, në Takimin e Samitit të Selanikut për Ballkanin Perëndimor të vitit 2003, BE-ja konfirmoi përkushtimin e saj ndaj perspektivës evropiane të rajonit të Ballkanit Perëndimor. Në mënyrë të veçantë në lidhje me Shqipërinë, vendi ynë është i fokusuar në të drejtat e pakicave dhe pronës dhe në luftimin efektiv të krimit të organizuar dhe trafikimit të drogës”, thuhet në deklaratën e MPJ greke.
Së fundi Greqia dhe Shqipëria janë në një proces negociatash për disa marrëveshje mes dy vendeve, kryesoja për kufirin detar./a.m.
