Ambasadorja e Shteteve të Bashkuara të Amerikës, Yuri Kim ka falenderuar Shqipërinë dhe vendet e tjera për pranimin e afganëve pas pushtimit të vendit nga talebanët.
Në një postim në rrjetet sociale, Kim ka rishpërndarë fjalët e Ish-Sekretares Amerikane të Shtetit Madeleine Albright. Kjo e fundit shkruan se të gjithë duhet të përqëndrohen në shpëtimin e jetëve në Afganistan.
“Ne duhet të përqëndrohemi në shpëtimin e jetëve në Afganistan. Ndërsa SHBA po punon për të evakuuar ata që janë nëFal rrezik të veçantë nga talebanët, unë jam mirënjohëse ndaj Shqipërisë, Kanadasë, Kosovës dhe Maqedonisë së Veriut për ofrimin e strehimit të aleatëve afganë, grave dhe udhëheqësve të shoqërisë civile. Shpresoj dhe pres që të tjerët t’i ndjekin,”- shkruan Albright në postimin e publikuar nga Kim.
We must focus on saving lives in Afghanistan. As the US works to evacuate those at special risk from the Taliban, I am grateful to Albania, Canada, Kosovo and North Macedonia for offering refuge to Afghan allies, esp women & civil society leaders. I hope & expect others to follow
— Madeleine Albright (@madeleine) August 15, 2021
