Kryeministri Edi Rama nga Forumi Ekonomik i Delfit pati një bisedë me Alexis Papahelas, kryeredaktor i gazetës Kathimerini. Rama foli për disa tema të marrëdhënieve dypalëshe me Greqinë, por edhe për zhvillimet ndërkombëtare. I pyetur se a synon Shqipëria të bëhet një portë hyrëse e gazit amerikan për në Europë, Rama tha: Ne kemi shansin për ta patur këtë gjë, miqtë tanë amerikanë janë të interesuar dhe ndihmues për këtë gjë. Jemi shumë të lumtur që po bashkëpunojmë për energjinë që prej disa kohësh edhe me Greqinë.
I pyetur për integrimin Rama tha se Ballkani ndodhet në momentin më të mirë dhe s’ka qenë kurrë më pranë BE.
Një pyetje të vecantë kryeministri e pati edhe për zhvillimin e ekonomisë dhe informalitetin, për të cilët tha se po punohet dhe se zhvillimet janë shumë optimiste.
