Bota nuk po tregohet e aftë për të përballuar sfidat e saj më të mëdha. Një popullsi e plakur nuk është më një fenomen që i përket shoqërive të zhvilluara. Shumë vende në zhvillim, sidomos në Ballkan po përballen me presionin e plakjes. Në Shqipëri, jetëgjatësia do të rritet në 80 vjet deri në vitin 2025 dhe 25% e popullsisë do të konsiderohet e plakur në të njëjtin vit, sipas Kombeve të Bashkuara. Ndërsa referuar të dhënave të vitit 2011, të Kombeve të Bashkuara numri i pensionistëve llogaritej në 560,000. Kështu shkruan në artikullin e tij për einneës.com gazetari Jaime Pozuelo-Monfort. Në një bisedim me Ermira Pirdenin, drejtoren ekzekutive të Shoqatës shqiptare për të gjitha moshat (ASAG) gazetari analizon fenomemin e plakjes që po rrezikon shoqërinë shqiptare që dikur ishte një nga popullsitë me moshën më të re në Ballkan.
Sot, shkruan gazetari, Shqipëria është një vend në zhvillim që i përket zonës më të frakturuar të Europës, Ballkanit. “ Me lidhje të forta me Kosovën dhe Maqedoninë, republika e vogël, doli nga diktatura e Enver Hoxhës në vitin 1991 dhe u përfshi në ekonominë e tregut të lirë. Shqipëria iu bashkua NATO-s në vitin 2009 dhe mori statusin e vendit kandidat me BE-në në 2014-ën. Me të ardhura për frymë në rreth 10,000 dollarë dhe me një koeficient gjinor nën 0.30, llogarit një normë papunësie rreth 17%, pa harruar këtu shkallën e lartë të ekonomisë informale. Popullsia e Shqipërisë llogaritet në rreth 3.2 milionë banorë, por në këtë shifër nuk përfshihen ata shqiptarë që jetojnë kryesisht në Greqi dhe Itali e që llogariten afërsisht në rreth një milion.
Gazetari shkruan se në mesin e muajit shtator e takoi Mirën (Ermira Pirdenin) në një kafene të rehatshme të quajtur Shtëpia e Miqve. Ajo është 69 vjeç dhe ka një përvojë të gjatë në këtë fushë, është direkte dhe nuk humbet kohë për të shpjeguar se përse Shqipëria nuk po përmbush detyrat, si çdo vend tjetër ndaj moshës së tretë.
Ajo kujton se politika ka braktisur të moshuarit, se qeveria e vendit ka dështuar të miratojnë legjislacionin në përputhje me Planin e Madridit dhe se pensionet janë në nivele shumë të ulëta (100 -200 usd në muaj) që janë të pamjaftueshme për të mbuluar nivelin minimal të jetesës.
Shumë shqiptarë vazhdojnë të punojnë në ekonominë informale. Këtë e vë re teksa ecën në rrugët e Tiranës, kryeqytetit të Shqipërisë dhe vëren “batalionin” e trupave të shitësve të cilët ofrojnë nga ushqimet te librat dhe veshjet.
Bota po tregohet e paaftë për të adresuar një nga sfidat më të mëdha. Plakja e popullsisë nuk është më vetëm një problem i vendeve të zhvilluara. Shumë shtete, veçabërisht në Ballkan janë duke vuajtur këto pasoja. Jetgjatësia në Shqipëri pritet të arrijë në 80 vjeç deri në vitin 2025 dhe 25% e popullsisë do të jetë e plakur në po të njëjtën periudhë sipas referimeve të Kombeve të Bashkuara.
“E takova Mirën përsëri në një mëngjes me diell, në 23 shtator 2015 në katin e tretë të Tirana International, në një vend të privilegjuar ku shikon Muzeun Kombëtar, Bankën Qendrore, Pallatin e Kulturës , Operën dhe bibliotekën qendrore. Takimi ynë i dytë do të zhvillohet vetëm një javë para konferencës vjetore ndërkombëtare të ASAG-së “Fuqizimi i të moshuarit: Ligjin si një mjet për të ndryshuar”, e cila feston Ditën Ndërkombëtare të të Moshuarve në 1 tetor. Që nga viti 2008, Mira ka avokatuar për rëndësinë e kalimit të legjislacionit në interes të të moshuarve, cituar nga 2008 editorial të saj të publikuar në shtypin kombëtar (Gazeta Albania, 25-Janar-2008)”, shkruan gazetari. .
Sipas tij, projektligji prezanton për herë të parë detyrimin e qeverisë shqiptare për dhënien e fondeve dhe burimeve për përfshirjen e personave të moshuar në jetën social-kulturor-politik të vendi,t duke promovuar aktivitete kulturore, duke lehtësuar transportit, duke siguruar medikamente falas, kujdesit shëndetësor, rehabilitim psikologjik, etj
Përparësitë në botë përcaktohen nga udhëheqje dritëshkurtër dhe nuk orientohen drejt zonave të duhura.
Monitor
