Kuqezinjtë e Xhani De Biasit dhe gjithë shqiptarët, mbrëmjen e sotme do të jenë me sytë nga Parisi në Francë, ku Federata Europiane e Futbollit do të hedhe shortin finaleve të Europianit Francë 2016, ku Shqipëria bënë pjesë në vazon e katërt.
Përfaqësuesja jonë do të marrë pjesë për herë të parë në një kompeticion kaq të rëndësishëm, pasi arriti e dyta në fazën e grupeve, ku la pas Danimarkën e Serbinë, teksa vetëm Portugalia korri një rezultat më pozitivë se të përzgjedhurit e Xhani De Biasit.
Kuqezinjtë ndodhen në grupin e katërt së bashku me përfaqësuese të tjera si, Turqia, Irlanda, Islanda, Uellsi dhe Irlanda e Veriut. Në vazon e parë, veç Francës organizatore do të jenë, Spanja, Gjermania, Angli, Prtugali e Belgjikë. Në vazon e dytë, do të jetë Italia, Zvicra, Rusia, Kroacia, Austria e Ukraina. Ndërsa në vazon e tretë janë Çekia, Suedia, Polonia, Rumania, Sllovakia, Hungaria. Në çdo grup do të bëjnë pjesë katër skuadra, një nga çdo vazo.
